Ann Norderhaug er forskingssjef på kulturlandskap i Bioforsk. Ho er ein av grunnleggjarane bak Kulturlandskapssenteret i Telemark AS, der ho også er styremedlem. Ho tok dr.graden sin på dei artsrike slåtteengene i Hjartdal og Svartdal, og har såleis mykje på hjarta når det gjeld forvalting av desse landskapa. Ho vil saman med Ingvill Marit Buen Garnås frå senteret snakke om verdiar i slåtteengene, dei viktigaste råda for tradisjonell skjøtsel, betydninga av samanhengar i landskapet og vegkantanes rolle for ivaretaking av biologisk mangfald.
Bent Nilsen er gardbrukar frå Sande i Vestfold, med spesiell interesse for kulturlandskapspleie. Han vil snakke om skjøtsel av slåtteenger frå ein gardbrukars synsvinkel og fortelje litt om det årvisse slåttestemne på Ryghsetra i regi av Buskerud naturvernforbund. Deretter slepper det til folk frå landbrukssida i vertskommunane Seljord og Hjartdal, samt Fylkesmannen i Telemark. Desse vil setja fokus på korleis tilskotsordningane SMIL og RMP blir nytta og/eller kan nyttast til forvalting av slåtteenger. Vidare er det sett av ein bolk til diskusjon kring kantslått i samtale med representantar frå teknisk kontor i vertskommunane, samt Statens vegvesen.
Kursfaldar med program kan de laste ned ved å klikke
her.
Pris for temadag inkl. matservering: 900 kr / 700 kr (studentar).
Påmeldingsfrist er 1. juni. Giro vil bli sendt ut etter påmeldingsfrista.
Temadagen inngår som ein del av Kulturlandskapssenterets innsats i Prosjekt Kulturlandskap, eit samarbeid mellom Norsk Kulturarv, Slåttefestivalen og Kulturlandskapssenteret, på midlar frå Landbruks- og matdepartementet.
