Steingardane er viktige element i dei gamle smålendte jordbrukslandskapa. Mange stader er dei i dårleg forfatning, og kunnskapen om vøling og vedlikehald er i ferd med å bli borte.
På dette kurset vil Eystein Greibrokk gje ei grunnleggjande innføring i teknikkar. Fyrste dagen er sett av til teori og synfaringar, andre og tredje dagen til læring i praksis.
Kurset er lagt til Su-Hovland, ein gamal gjestgjevargard i Nordbygda i Hjartdal. I landskapet på og i kring garden fins mange steingardar, murar og røyser i varierande tilstand. Tilhøva ligg såleis godt til rette for lærerike og trivelege dagar i eit levande kulturlandskap.
Tidspunktet er valt med utgangspunkt i ”håballen”, tida mellom våronna og fyrsteslåtten, da det tradisjonelt sett var tid for førefallande arbeid og vøling av ymist slag.
Maks tal deltakarar er 10 stk. Fyrstemann til mylla!
Kursfaldar med program kan de laste ned ved å klikke
HER.
Kurs m. kost: 3000 kr
Kurs m. kost og opphald: 3500 kr
Påmeldingsfrist er 15. mai. Giro sendast ut etter påmeldingsfrist.
For meir informasjon om Su-Hovland kan de sjå
her.
Kurset er støtta av Fylkesmannen i Telemark.
For gardbrukarar: Ta kontakt med landbrukskontoret i din kommune for ev. stønad til deltaking gjennom SMIL-ordninga (Spesielle miljøtiltak i landbrukets kulturlandskap).
